Shkup, 6 dhjetor 2016 (MIA) - Ministria e Punëve të Brendshme sot konformoi se mbrëmë nga Ambasada Amerikane në Shkup është denoncuar se ka një automjet të dyshimtë në parkingun e Ambasadës.
Siç informojnë nga MPB për MIA-n, ekipi i tyre menjëherë është dërguar në terren ku ësht bërë verifikimi i automjetit, por nuk është gjetur asgjë e dyshimtë.
Automjeti siç thonë nga MPB, është marrë për verifikim të mëtjeshëm.
Dje, Ambasada e SHBA-së në Shkup ka publikuar në rrjetet sociale se linjat telefonike i kanë të ndërprera.
"Linjat telefonike të ambasadës momentalisht nuk janë operative. Nëse e keni urgjent dhe keni nevojë për ndihmë, kontaktoni Qendrën operative të Departamentit amerikan të Shtetit në +1-202-647-1512", thekson Ambasada e SHBA-së në Tuiter-in e publikuar.