Haliti: Për garancitë e LSDM-së vendos kryesia qendrore e BDI-sëShkup, 15 shkurt 2017 (MIA) - Për dokumentin e LSDM-së dorëzuar BDI-së do të duhet të prononcohet kryesia qendrore e partisë së Ahmetit. Anëtari i kryesisë qendrore të BDI-së, Rafiz Haliti, në emisionin “Argument” në TVM2, duke mos zbuluar detajet e garancisë që ofrojnë socialdemokratët, thotë se do të veprohet ngjashëm sikurse me VMRO-DPMNE-në, transmeton Aktualja. Sipas Halitit, anëtarësia qendrore do të vendosë për arritjen e barazisë qytetare. "Ne është dashur në kryesinë qendrore, normalisht, të debatojmë për çdo detaj për qeverisjen e ardhshme se për çka janë të gatshëm në këtë rast subjektet politike maqedonase që me të vërtetë të krijojmë atë ambient qeverisës, me platformë politike qeverisëse, që ajo barazi e qytetarëve në Republikën e Maqedonisë definitivisht të arrihet", deklaroi anëtari i kryesisë qendrore të BDI-së, Rafiz Haliti. Haliti tha se për çdo hap të mëtejmë do të informojnë edhe partitë e tjera nënshkruese në marrëveshjes mes partive shqiptare.
|