Osmani: Tani, kalohet në fazën tjetër të bisedimeveShkup, 23 shkurt 2017 (MIA) - Zëdhënësi i Bashkimit Demokratik për Integrim Bujar Osmani në pres konferencën e sotme ka sqaruar se mbrëmë kryesia e partisë i ka dhënë përkrahje projekt ligjit për zyrtarizimin e gjuhës shqipe. "Nuk ka zgjidhje ideale. Ne mendojmë se kjo është zgjidhja optimale e cila e mbyll çështjen e vetme të pazgjidhur nga marrëveshja kornizë në pjesën e sjelljes së Ligjit", ka deklaruar Osmani. Siç njofton Aktuale, tani kryetari Ali Ahmeti, sipas Osmanit, ka të drejtë në bazë të Statutit t'i japë mandatin Zoran Zaevit, pa thirrur Kryesinë. "Tani, kalohet në fazën tjetër të bisedimeve, pritet të bëhet përputhja e programeve mes dy partive, të cilët janë promovuar gjatë fushatave zgjedhore për udhëheqjen e shtetit, sipas ndarjes së dikastereve. Këtë do ta zgjidhim nesër, poashtu në vazhdim të seancës së kryesisë qendrore dhe në komunikim me LSDM-në", ka thënë Bujar Osmani.
|