Shkup, 19 qershor 2017 (MIA) - LSDM në një reagim me shkrim ndaj konferencës për shtyp të Luka Kërzhalovskit nga VMRO-DPMNE thekson se përmes politikave humbëse shumëvjeçare, VMRO-DPMNE në mënyrë sistemore e ka shkatërruar arsimin, ndërsa dëshmi janë reagimet e shumta të institucioneve ndërkombëtare prestigjioze dhe organizatave të cilat arsimin në Maqedoni e kanë radhitur si një prej më të këqijave në Evropë. Në mesin e tyre, theksohet edhe testimi PISA në të cilën për shkak të sistemit arsimor të keq, nxënësit nga Maqedonia i kanë ndër rezultatet më të këqija në korniza botërore.
"Mbaroi koha kur VMRO-DPMNE në mënyrë sistemore e ka shkatërruar arsimin me projekte të zgjedhura, jopërkatëse dhe jocilësore me çka u shkaktoi dëme të mëdha nxënësve, mësimdhënësve dhe procesit arsimor. LSDM, përmes Qeverisë së re që e kryeson, në mënyrë aktive është duke punuar në sanimin e dëmeve që VMRO-DPMNE ia bëri arsimit", qëndron në reagimin e LSDM-së.