Purini: Në sheshin Skenderbeu do të përjetohet arti dhe kultura e gjithë trevave shqiptareShkup, 20 gusht 2017 (MIA) - Përmes një evenimenti dhe programi të pasur kulturorë Qendra Kulturore Informative do të realizojë një program në bashkëpunim me Galerinë Kombëtare në sheshin Skenderbeu në Shkup, tha drejtoresha e QKI-së, Sermine Purini. "Me një program të pasur kulturor gjatë periudhës në vijim do të shënojmë përfundimin e projektit më të madh urbanistik në Komunën e Çairit - Sheshi Skënderbej. Në vijim do t'ju paraqesim programin e përbashkët me Qendrën Kulturore Informative-QIK Shkup dhe Galerinë Kombëtare të Maqedonisë", thotë Purini. Me këtë rast, ajo thekson se në këtë eveniment do të përjetohet kultura dhe arti i të gjitha trevave shqiptare. "Ju ftoj të gjithëve të jeni pjesë e këtyre ngjarjeve, duke përjetuar kulturën dhe artin e të gjitha trevave shqiptare. Ju faleminderit për përkahjen gjatë realizimit të këtij projekti shumë të rëndësishëm për vendin tonë", shprehet mes tjerave Purini.
|