Ohër, 16 tetor 2017 (MIA) - Jovan Stojanoski i Koalicionit "Jetë në Maqedoni" i kryesuar nga LSDM është kryetari i ardhshëm i Ohrit. Sipas të dhënave fillestare zyrtare të Komisionit Shtetëror të Zgjedhjeve, Stojanoski prej gjithsej 33.754 qytetarëve në zgjedhje ka fituar 18,251 vota apo 54,07 për qind që është e mjaftueshme për fitore në raundin e parë.
Koalicioni i kryesuar nga LSDM-ja fitoi edhe në garën për pozitat e këshilltarëve në përbërjen e ardhshme të këshillit të komunës, me 15.198 vota, para VMRO-DPMNE-së me 12.871 vota.
Si do të jetë radhitja në përbërjen e ardhshme të këshillit 23 anëtarësh të Ohrit do të tregojnë rezultatet përfundimtare të KSHZ-së.