Shoqata Nefron do ta shënojë Ditën evropiane të dhurimit të organeve

Shkup, 18 tetor 2017 (MIA) - Shoqata e qytetarëve të sëmurë nga veshkat Nefron sot organizon tryezë të rrumbullakët me rastin e Ditës evropiane për dhurim të organeve, e cila shënohet nën moton "Dhuro organ - dhuro jetë".
Nga Shoqata informojnë se aktivitetet e tyre lidhur me Ditën evropiane të dhurimit të organeve janë të orientuara drejt rritjes së vetëdijes publike dhe edukimit të gjithë popullatës për nevojën dhe rëndësinë e dhurimit të organeve dhe indeve dhe transplantimit në përgjithësi.
Në tryezën e rrumbullakët shoqata Nefron në bashkëpunim me institucionet kompetente, profesionistët shëndetësorë, pacientët e transplantuar, dhuruesit e organeve dhe ata të cilët kanë nevojë për dhurim të organeve - pacientët në dializë, do të mbajë prezantim të shkurtër për gjendjen në shtet.