Filloi gjykimi për lëndën "Total"Shkup, 5 dhjetor 2017 (MIA) - Në Gjykatën Penale sot filloi gjykimi për lëndën e PSP "Total", ku i dyshuar është gazetari Dragan Pavlloviq - Llatas. Pavlloviq paradite erdhi në gjykatë dhe merr pjesë në seancën gjyqësore. Lënda "Total" ka të bëjë me evazion tatimor nga ana e Llatasit si pronar dhe drejtues i firmave për shërbime të marketingut dhe këshillime "Total" SHPKNJP Shkup, "Mediamaks" dhe "Total Media Centar" SHPKNJP Shkup. I dyshuari ngarkohet se në periudhën nga viti 2008 e deri në vitin 2015 së bashku me persona juridikë me qëllim që të shmangin pagesën e tatimeve në llogaritë përfundimtare dhe deklaratat tatimore kanë dhënë të dhëna të rrejshme. Personat juridikë e kanë dëmtuar buxhetin për 121 mijë euro, ndërsa i dyshuari për 63 mijë euro.
|