BESA përshëndet përkushtimin e rektorit të USHKO-Manastir, për të sqaruar situatën

Shkup, 15 dhjetor 2017 (MIA) - Pas reagimit të Lëvizjes BESA në lidhje me rastin e Universitetit "Shën Klimenti i Ohrit" - Manastir, me kërkesë të Rektorit të Universitetit, Sasho Korunovski, u realizua takim me kryetarin e Lëvizjes BESA, Bilall Kasami, për të sqaruar se e gjithë situata është e pabazë dhe se "Shën Klimenti i Ohrit” - Manastir ka bashkëpunim të mirë me Universitetet shqiptare nga rajoni.
"Njëherit vetë fakti që në studimet e ciklit të dytë dhe të tretë janë të regjistruar mbi 70 student nga Shqipëria dhe Kosova, e gjitha kjo mbetët të jetë një tentim nga individ brenda Universitetit që mundohen të krijojnë një huti dhe jo rastësisht duke i keqpërdorur relacionet ndëretnike ndërmjet shqiptarëve dhe maqedonasve", thuhet në kumtesën e Lëvizjes BESA.
Lëvizja BESA përshëndet përkushtimin e Korunovski, për të sqaruar të gjithë situatën.