VMRO-DPMNE: Ligji për përdorimin e gjuhëve është jokushtetuesShkup, 11 janar 2018 (MIA) - Ligji për përdorimin e gjuhëve që sot e votoi shumica parlamentare, për VMRO-DPMNE-në është jokushtetues, ndërsa pushteti, sipas tyre, "tregoi se akti më i lartë juridik i shtetit - Kushtetuta, për të është vetëm fjalë e vdekur në letër". Sipas partisë opozitare, "ligji u miratua me mashtrin", respektivisht, siç thuhet, "me vendosjen e rremë të simbolit evropian", me çka u keqpërdorën procedurat për miratimin e ligjeve me rëndësi për integrim të vendit në BE. Pushteti duhet të mbajë përgjegjësi për këtë manipulim ndaj qytetarëve. Ligji, sipas VMRO-DPMNE-së, "nuk kontribuon për avancim real të të drejtave të komunitetit shqiptar në Maqedoni, përkundrazi do t’i thellojë dallimet dhe do të shkojë në dëm të homogjenitetit të shoqërisë së Maqedonisë". Ligji, sipas tyre, do të krijojë paralelizëm në të gjitha institucionet si në nivelin qendror, ashtu edhe në atë lokal.
|