Mot i vranët me kushte për shi dhe borë lokale Shkup, 12 janar 2018 (MIA) - Moti në Maqedoni do të jetë kryesisht me vranësira, në pjesët perëndimore dhe jugore me reshje lokale të shiut, në male borë e dobët. Do të fryjë erë e dobët në pjesët perëndimore nga drejtimi lindor.
Temperatura do të lëvizë prej tre deri në dhjetë gradë.
Në Shkup moti do të jetë kryesisht me vranësira. Do të fryjë erë mesatare nga drejtimi lindor. Temperatura do të arrijë deri në shtatë gradë.
Nga dita e shtunë nga fundi i ditës do të ketë masë më të ftohtë ajrore, që do të kushtëzojë gjatë dy ditëve të ardhshme reshje të borës të ketë edhe në disa fushëgropa, posaçërisht në pjesët veriore. Reshjet do të jenë me intensitet të dobët.
|