Shkup, 14 mars 2018 (MIA) - Dënojmë akte të dhunës dhe kërcënime ndaj gazetarëve, në demokraci nuk ka vend për gjëra të këtilla, të cilat e pengojnë luftën për liri të shprehjes dhe lirinë e mediave.
Këtë sot e deklaroi ambasadori amerikan Xhes Bejli në pyetjen e gazetarëve gjatë forumit të parë vjetor të kryetarëve të komunave në organizim të Korpusit paqësor të SHBA-së në Maqedoni dhe Ministrisë së Vetëqeverisjes Lokale.
"Shikoni ndonjëherë se deri ku mund të shkojnë gjërat, duke i pasur parasysh ngjarjet e pahijshme të paradokohshme në Sllovaki. Kjo është diçka që duhet të shqetësojë edhe këtu në Maqedoni, por edhe në gjithë botën. Njëkohësisht incidentet fillestare të cilat sollën deri në krijimin e kësaj situate shumë thonë për gjendjen e mosndëshkimit dhe është shumë e rëndësishme që liderët t'i respektojnë standardet e larta në pikëpamje të qeverisjes së të drejtës", tha Bejli.