Shkup, 14 mars 2018 (MIA) - Iniciativa qytetare "Drejtësi për Almirin", sot para Kuvendit të Republikës së Maqedonisë vendosi përkujtim për procesin e padrejtë gjyqësor për vrasjen e katërvjeçarit, Almir Aliu.
Sipas organizatorëve ky veprim simbolik bëhet për t’ua rikujtuar zyrtarëve shtetërorë obligimin që kanë për të vënë drejtësinë për këtë tragjedi.
Përkujtim identik u vendose edhe para Qeverisë dhe para Ministrisë së drejtësisë së RM-së.
Protesta u organizua një ditë para vendimit të Gjykatës Themelore të Kumanovës për rastin e vrasjes së vogëlushit nga Kumanova, Almiri Aliut. Shoqëria civile përmes kësaj proteste shpreh mospajtimin me vendimin e kësaj gjykate për rikualifikimin e lëndës nga "vrasje me paramendim" në "aksident rrugor".