Pritje në Zyrën greke për lidhje me rastin e Ditës së pavarësisë së Greqisë

Shkup, 23 mars 2018 (MIA) - Zyra greke për lidhje në Shkup sot organizoi pritje me rastin e Ditës së pavarësisë së Greqisë, e cila u përputh me vizitën e ministrit grek të Punëve të Jashtme, Nikos Koxias në Maqedoni.
Shefat e diplomacisë të dy vendeve, Nikos Koxias dhe Nikolla Dimitrov, të cilët paraprakisht kishin takim dhe konferencë shtypi, në atmosferën joformale biseduan me numër të madh të ftuarish nga jeta politike, ekonomike dhe publike në Maqedoni.
Mes të pranishmëve ishte edhe kryetari i Kuvendit, Talat Xhaferi, ministrja e Mbrojtjes, Radmilla Shekerinska, zëvendëskryeministri i angazhuar për çështje evropiane Bujar Osmani, përfaqësues të partive politike dhe të korit diplomatik.
Greqia, Ditën e pavarësisë e shënon më 25 mars.

Shefi i diplomacisë së Maqedonisë, Nikos Koxias qëndron për vizitë dyditore në Maqedoni në përpjekje që të afrohen qëndrimet lidhur me çështjen e emrit.