Vazhdon gjykimi për lëndën "Ryshfeti"

Shkup, 16 prill 2018 (MIA) - Në Gjykatën Penale sot seancë për lëndën "Ryshfeti", në të cilën është i akuzuar kryeministri Zoran Zaev, duhet të vazhdojë dëgjimi i bisedave nga Masat e Posaçme Hetuese (MPH).
Dëgjimi i bisedave nga masat e PH lidhur me lëndën filluan seancën e kaluar pa prezencën e opinionit në sallë.
Kryeministri Zaev pas përfundimit të seancës së kaluar tha se dëgjimi i bisedimeve do të vazhdojnë sot dhe se do të zgjasë deriса nuk dëgjohen të gjithë, pas çka do të vazhdojë me procedurën e dëshmive.
Sipas Zaevit, gjatë bisedave nuk ka asnjë dëshmi dhe se bëhet fjalë për komunikime të rregullta të ish kryetarit të atëhershëm të komunës me personin e dyshuar dhe me persona tjerë, siç janë drejtorë të institucioneve, qytetarë të cilët paraqiteshin te ish kryetari i komunës së Strumicës.
Zoran Zaev në lëndën "Ryshfeti" akuzohet se si kryetar i komunës së Strumicës nga biznesmeni Saçevaliev ka kërkuar ryshfet pre rreth 160.000 euro për legalizim të një toke ndërtimore.