Simulim i fatkeqësisë së komunikacion para Siti Mollit

Shkup, 20 prill 2018 (MIA) - Kryqi i Kuq i Qytetit të Shkupit në bashkëpunim me MPB-në sot në mesditë para Siti Mollit do të realizojë trajnim simulues të fatkeqësisë së komunikacionit, pasojë e konsumimit të alkoolit nga ana e maturantëve gjatë festimit të mbrëmjes së maturës. Në vendin e ngjarjes do të vendoset një automjet nga i cili do të nxirren persona të lënduar dhe në atë periudhë në një korsi nuk do të ketë qarkullim rrugor.
Simulimi, siç kumtojnë nga Kryqi i Kuq i Qytetit të Shkupit, ka për qëllim ta ngritë vetëdijen e të rinjve për sjellje të përgjegjshme, moskonsumim të alkoolit dhe mjeteve të ngjashme narkotike, si dhe bartja e porosisë për kujdes për jetën dhe shëndetin.
Trajnimi do të realizohet nga ana e Kryqit të Kuq të Qytetit të Shkupit-Ekipi për përgjigje gjatë katastrofave dhe SPB Shkup-sektori preventivë dhe në të do të marrin pjesë 15 vullnetarë së bashku me manekinët.