Merkel: Marrëdhëniet midis BE-së dhe SHBA-së të rrezikuara për shkak të marrëveshjes bërthamore iranianeJerusalem, 15 maj 2018 (MIA) - Marrëdhëniet midis Bashkimit Evropian dhe SHBA-së janë të rrezikuara për shkak të vendimit të Uashingtonit për tërheqje nga marrëveshje bërthamore iraniane, deklaroi sot kancelarja gjermane Angela Merkel. "Evropa nuk ishte e verbër për aktivitetet e Iranit, por besonte se respektimi i marrëveshjes bërthamore është mënyra më e mirë për progres", deklaroi Merkel në fjalimin në Kongresin e Konfederatës së Sindikatave Gjermane. Presidenti amerikan Donald Tramp më 8 maj bëri të ditur se SHBA-ja tërhiqet nga Marrëveshja për programin bërthamor iranian dhe paralajmëroi ripërtëritjen e sanksioneve drejt Iranit, të cilat ishin pezulluar konform dokumentit. Tramp vlerësoi se marrëveshja është e keqe dhe se i mundëson Iranit mot t'i respektojë përkufizimet dhe të punojë në prodhimin e bombës atomike. Britania e Madhe, Gjermania dhe Franca e dënuan vendimin e SHBA-së dhe u bënë thirrje vendeve të tjera nënshkruese të mbesin të përkushtuara në obligimet e Marrëveshjes. Marrëveshja për programin bërthamor iranian në vitin 2015 e nënshkruan Irani dhe pesë vendet e përhershme të Këshillit të Sigurisë së KB-së - Britania e Madhe, Kina, Rusia, SHBA-ja dhe Franca plus Gjermania. Me Marrëveshjen, zyrtarisht të quajtur Plan veprues gjithëpërfshirës i përbashkët, Irani u pajtua në përkufizimin e programit të tij bërthamor në ndërrim të pezullimit të sanksioneve ndërkombëtare drejt vendit.
|