Bisedë telefonike Cipras - Tusk në vigjilje të Samitit në Sofje

Athinë, 15 maj 2018 (MIA) - Për dallimet që Greqia i ka me fqinjët dhe orvatjet për gjetjen e zgjidhjes, si dhe për përgatitjet për Samitin e ardhshëm BE- Ballkani Perëndimor, është bërë fjalë në bisedën telefonike të kryeministrit të Greqisë, Aleksis Cipras me kryetarin e Këshillit Evropian, Donald Tusk, kumtojnë nga Kabineti i kryeministrit grek, njofton korrespondentja e MIA-s nga Athina.
"Gjatë bisedës, kryetari Tusk i përshëndeti orvatjet që i bën Qeveria greke për zgjidhjen e dallimeve me vendet e saj fqinje, që gjithashtu është parakusht për perspektivën e saj integruese. Kryeministri potencoi se Greqia gjithmonë do të ketë rol konstruktiv për stabilitetin dhe perspektivën zhvillimore të Ballkanit", kumtojnë nga kabineti i Ciprasit.