Koxias: Të pranojmë njërin nga propozimet e NimicitUashington, 22 maj 2018 (MIA) - Greqia e përkrah nevojën të pranohet një emër nga propozimet e Nimicit, thotë shefi i diplomacisë greke Nikos Koxias në deklaratë për korrespondentët grekë nga SHBA-ja, pas takimit me sekretarin shtetëror amerikan Majk Pompeo. Me këtë deklaratë edhe Koxias, në mënyrë indirekte e hodhi poshtë emrin "Republika e Maqedonisë së Ilindenit", gjithashtu që Greqia e hodhi poshtë edhe njërin nga pesë propozimet e ndërmjetësuesit Methju Nimic për emrin "Republika e Maqedonisë (Shkupi). "Ne e përkrahim nevojën të pranojmë njërin nga emrat që i propozoi Nimic. Nuk pajtohemi, siç e dini, me emrin e pestë të propozimeve të tij dhe të shkojmë përpara drejt miratimit të një plani strategjik për bashkëpunim miqësor me këtë vend në të ardhmen, me emrin e tij të ri", tha Koxias. Shefi i diplomacisë greke sqaroi se për çështjen e emrit nuk ka biseduar me sekretarin shtetëror amerikan Pompeo, por ajo ka qenë temë e takimeve, dje dhe pardje, me ndihmës sekretarin shtetëror të SHBA-së, Ves Miçell. Siç njoftoi korrespondenti i MIA-s nga Athina, Nikos Koxias nuk zbulon se çka ka biseduar saktë me Miçell, por thotë se "askush nuk e detyron Greqinë në asgjë", në raport të mbylljes së çështjes, sepse e ka iniciativën për procedurat dhe të gjithë në mënyrë pozitive ndjekin se si një vend me politikë të jashtme aktive promovon zgjidhje".
|