Projekti më i ri i EVN Maqedoni për mbrojtje të shpendëve nga goditja elektrike

Shtip, 22 maj 2018 (MIA) – EVN Maqedoni filloi me implementimin e projektit më të ri për mbrojtjen e shpendëve nga goditja e rrymës në rajonin e Ovçe Poles.
Ekipet e EVN Elektrodistribuimi, siç njoftojnë përmes një kumtese për media nga kompania, do të vendosin izolues për mbrojtjen e shpendëve nga goditja elektrike.
Projekti realizohet së bashku me organizatën qytetare "AQUILA" e cila bëri donacion të izoluesve, ndërsa EVN e siguron logjistikën gjithëpërfshirëse për instalimin e tyre.

Projekti synon të zvogëlojë shkallën e vdekshmërisë së shpendëve në këtë rajon.
Mbrojtja e species së rrezikuar të "Shqiponjës mbretërore" e cila gjatë kohës së fundit shënon shkallë shqetësuese të lartë të vdekshmërisë, është arsyeja kryesore e mbështetjes së kësaj iniciative.
Mbrojtëset do të vendosen në 100 shtylla largpërçuese të tensionit të mesëm, ndërsa sipas planit dhe dinamikës së realizimit projekti do të zbatohet në disa faza dhe do të kompletohet në muajin maj dhe qershor.