Shkup, 12 maj 2018 (MIA) - Kuvendi i Republikës së Maqedonisë sot duhet ta vazhdojë debatin për Raportin e sivjetshëm të Komisionit Evropian për përparimin e vendit.
Debati filloi dje, pasi fillimisht fjalim mbajti zëvendëskryeministri për çështje evropiane Bujar Osmani, duke e prezantuar Raportin. Ai theksoi se po afrohet momenti i valorizimit praktik në lidhje me ftesën për fillim të bisedimeve.
"Sigurisht se në fund do të jetë vendim politik, i cili është i ngarkuar edhe nga konteksti politik ku gjendet vendi, rajoni dhe BE-ja, por detyrë e jona është që deri në moment të fundit të bindim çdo vend anëtar se RM-ja e meriton këtë dhe se meritojmë hapjen e bisedimeve", tha Osmani.
Pas kësaj pike, në rend dite në seancën e 47-të janë më shumë propozim-ligje nga fusha e financave, mirëqenies sociale, arsimi, transporti,... si dhe disa interpretime autentike.