Ali Ahmeti: Marrëveshjen e emrit Shkupi dhe Athina do ta nënshkruajnë të shtunënPrishtinë, 14 qershor 2018 (MIA) - Lideri i Bashkimit Demokratik për Integrim Ali Ahmeti, në intervistën e mbrëmshme për televizionin prishtinas T7, paralajmëroi se marrëveshja mes Athinës dhe Shkupit do të nënshkruhet të shtunën, lajmëroi korrespondenti i MIA-s nga Prishtina. "Marrëveshjen do ta nënshkruajnë kryeministrat e Maqedonisë dhe Greqisë, Zoran Zev dhe Aleksis Cipras, në prani të përfaqësuesve më të lartë të Bashkimit Evropian", deklaroi Ahmeti, duke mos saktësuar se ku do të ndodhë nënshkrimi. Lideri i partisë shqiptare, e cila është në pushtet në Qeverinë e Maqedonisë, theksoi se në procesin e negociatave mes Shkupit dhe Athinës ka pasur disa opsione për emrin e shtetit, por që "Republika e Maqedonisë së Veriut" është përfundimtare e cila është dakorduar mes të dy qeverive dhe të cilën e pranoi edhe faktori shqiptar në vend.
|