Konferencë ndërkombëtare "Muzetë ballkanike pa barriera#2"Shkup, 20 qershor 2018 (MIA) - Konferenca ndërkombëtare "Muzetë ballkanike pa barriera#2" do të mbahet sot dhe nesër në Qendrën memoriale të holokaustit të hebrenjve nga Maqedonia në Shkup. Konferencën e organizojnë Rrjeti ballkanik i muzeve dhe Fondacioni Trashëgimia Kulturore pa Kufij nga Bosnja e Hercegovina. Në konferencë do të marrin pjesë 40 profesionistë të muzeve të Ballkanit dhe më gjerë të cilët do të këmbejnë përvoja dhe njohuri me qëllim që t'i bëjnë muzetë pjesëmarrëse dhe të arritshme për të gjithë vizitorët. Rrjeti ballkanik i muzeve dhe Fondacioni i Trashëgimisë Kulturore pa Kufij nga Bosnja e Hercegovina angazhohen për përfshirje të personave me aftësi të kufizuara në prezantimin e koleksioneve të muzeve, ekspozitat dhe aktivitetet. Konferenca e parë "Muzetë ballkanike pa pengesa" u mbajt në vitin 2014 në Sarajevë.
|