Anëtarët e rinj të Këshillit gjyqësor premtuan se nuk do të nënshtrohen në ndikime politikeShkup, 18 dhjetor 2018 (MIA) – Pesë anëtarë të rinj të Këshillit gjyqësor të Republikës së Maqedonisë sot dhanë deklaratë para kryetarit të Kuvendit, Talat Xhaferi.
Anëtarë të rinj të Këshillit janë Kiro Zdravev, Gordana Spirevska, Zoran Teofilovski, Loreta Georgieva dhe Mirsad Surroi.
Gjykatësja e Gjykatës Themelore Shkupi 1, Gordana Spirevska në deklaratën për media theksoi se si anëtare e Këshillit gjyqësor do të jetë rezistente ndaj ndikimeve politike.
“Ne gjykatësit jemi të pavarur. Do të jemi rezistent ëndaj ndikimeve politike. Unë personalisht do të jem rezistente ndaj ndikimeve politike”, deklaroi Spirevska dhe shtoi se profesionalizmi e jo lidhjet familjare do të jenë kriteret kyçe gjatë përzgjedhjes dhe avancimit të gjykatësve. mb/
|