Shkup, 24 janar 2022
Hristijan Mickoski dhe VMRO-DPMNE me çdo kusht kërkojnë zgjedhje të parakohshme parlamentare me shpresën se në atë mënyrë do ta mbulojnë paaftësinë e kryetarëve të komunave, potencoi nënkryetari i LSDM-së, Stefan Bogoev duke qenë mysafir në emisionin “Brifingu i mëngjesit”.
Mickoski dhe VMRO-DPMNE të përballur me mossuksesin e përditshëm të kryetarëve të komunave të cilët premtuan shumë, ndërsa pak realizuan në 100 ditët e para shpejtojnë në çdo mënyrë të ketë zgjedhje të parakohshme parlamentare, duke e ditur se nëse ato janë të rregullta, siç do të jenë në vitin 2024, paaftësia e kuadrove të tyre të cilëve populli u dha shans do të tregohet”, theksoi Bogoev.
Ai shprehu keqardhje që edhe krahas thirrjes së kryetarit Kovaçevski si kryeministër në menaxhim me pjesëmarrje, përfshirje konstruktive edhe të opozitës, nga VMRO-DPMNE si partia më e madhe opozitare sërish dalin me shantazhe.
Qendra për komunikime me opinionin e LSDM-së