Mbrojtja e të drejtave të pronësisë edhe mëtej sfidë për MaqedoninëShkup, 24 shkurt (MIA) - Maqedonia është ranguar në vendin e 97-të në Indeksin ndërkombëtar për të drejtat e pronësisë, njëjtë si dhe vitin e kaluar, ndërsa mbrojtja e të drejtave të pronësisë edhe mëtej mbetet sfidë.
Këtë e tregojnë të dhënat e Indeksit më të ri ndërkombëtar të të drejtave pronësore, që i publikoi Instituti për strategji ekonomike dhe marrëdhënie ndërkombëtare OHRID.
Indeksi ndërkombëtar për të drejtat e pronësisë i krahason pronësinë fizike dhe intelektuale me stabilitetin ekonomik në 115 vende, të cilat paraqesin 96 për qind nga BPV-ja.
Në rangimet e Indeksit për të drejtat e pronësisë Maqedonia ka 3,8 pikë, njëjtë si në vitin 2008.
Nga vendet e rajonit Maqedonia është ranguar para Serbisë (100), Shqipëria (104), Bosnjë e Hercegovinës (108). Kroacia, me vendin e 60-të, dhe Bullgaria me vendin e 59-të, janë ranguar për 30 pozita më lartë.
Indeksi për të drejtat e pronësisë në vitin 2009 përfshin 10 variable, të ndara në tri komponente kryesore: mjedis juridik dhe politik, të drejta fizike të pronësisë dhe të drejta intelektuale të pronësisë.
Sipas komponentave kyçe të Indeksit ndërkombëtar, në tabelën e mjedisit juridik dhe politik Maqedonia ka 3,8 pikë, që është për një për qind më lartë nga Indeksi në vitin 2008 (3,7) dhe ndodhet në vendin e 83-të.
Në raport me të drejta fizike të pronësisë shteti i Maqedonisë ka 4,6 pikë që është më pak nga viti 2008 (4,9) dhe ndodhet në vendin e 94-të. Në fushën e të drejtave intelektuale të pronësisë Maqedonia ndodhet në vendin e 104-të me 2,9 pikë.
"Nga tri komponentet kyçe të Indeksit mund të vërehet se Maqedonia nuk ndodhet as në 10 vendet e para as në 10 vendet e fundit prej 115-të të ranguarat në Indeksin ndërkombëtar për të drejtat e pronësisë", kumton Instituti.
Sivjet, si gjatë tre viteve të kaluara, Finlanda është lidere e listës së vendeve në Indeksin e të drejtave të pronësisë me 8,7 pikë nga 10-të të mundshmet.
Sivjet, me 8,5 pikë vendin e dytë e zunë Danimarka dhe Holanda. Pas tyre pason Australia (8,1), Zvicra (8,1), Austria (8,1) dhe Singapori (8,1).
Në fund të listës ndodhen Shqipëria (3,5), Nigeria (3,5), Paraguai (3,5), Azerbejxhani (3,4), Bosnjë e Hercegovina (3,3), Çadi (3,2), Gana (3,2), Burundi (3,2), Zimbabue (3,2), Angola (2,8) dhe Bangladeshi e cila është ranguar në vendin e fundit me 2,5 pikë.
|