Ngushëllime nga Ivanov deri te Jahjaga me rastin e tragjedisë në Restelicë

Shkup, 13 shkurt 2012 (MIA) - Presidenti i Republikës së Maqedonisë Gjorge Ivanov, me rastin e tragjedisë në fshatin Restelicë, dërgoi letër me ngushëllime deri te presidentja e Republikës së Kosovës, Atifete Jahjaga.

"Me pikëllim të madh e mora lajmin për ortekun nga bora në fshatin Restelicë dhe sinqerisht më vjen keq për jetat e humbura në këtë tragjedi të madhe. Në këto momente pikëllimi për Ju, për qytetarët dhe vendin e Juaj dhe familjet e të pësuarve, më lejoni, në emër të qytetarëve të Republikës së Maqedonisë dhe në emrin tim personal, t'Ju dërgoj ngushëllimet e mia të thella. Në këto momente të pikëllimit, lutjet tona janë me Ju dhe familjet e të pësuarve. Ju lutem, Ekselenca e Juaj, që ngushlëllimet e thella t'ua transmetoni familjeve të viktimave", thuhet në letrën e presidentit Ivanov.