Thaçi: Votat e sotme për dy javë do të nxjerrin 13 deri në 14 deputetëTetovë, 13 prill 2014 (MIA) - Lideri i PDSH-së, Menduh Thaçi është i kënaqur nga rezultati të cilin e arriti kandidati i tyre për president, Iljaz Halimi në zgjedhjet e sotme presidenciale.
"Unë jam shumë i kënaqur nga ky rezultat. Tani gara e PDSH-së ishte me disa kilogram rërë në këmbë. Pres dhe jam i bindur se pas dy javësh kur të vrapojmë në finale këto vota do të shndërrohen në 13 dhe 14 deputetë. Jam i bindur në këtë fitore të PDSH-së në zgjedhjet parlamentare dhe mendoj se do të jetë gjëja më e mirë që ka ndodhur në Maqedoni", tha Thaçi në konferencën e sotme për shtyp të partisë.
Ai theksoi se sipas informacioneve të tyre, 15 për qind e shqiptarëve kanë votuar për kandidatin e Maqedonisë. Prej tyre 10 për qind për Pendarovskin dhe 5 për qind për Ivanovin.
"Në disa vende të caktuara ku në votim kanë dalë zero për qind e njerëzve nuk ngjan në ndonjë gjë tjetër veç se në diktaturë. Çdo kush që duartroket diktaturën, kjo diktaturë më pas shkon në kokë të tij", theksoi Thaçi.
|