Bejta do të marrë pjesë në shënimin e 15 vjetorit të eksodit të shqiptarëve të Kosovës në ShqipëriGostivar, 15 prill 2014 2014 (MIA) - Me ftesë të kryeministrit të Republikës së Shqipërisë, Edi Rama kryetari i komunës së Gostivarit, Nevzat Bejta do merr pjesë në përkujtimin e 15 vjetorit të eksodit të shqiptarëve të Kosovës nga trojet e tyre për t’i shpëtuar gjenocidit të pashembullt të regjimit të Millosheviçit. "Në homazhe të asaj dhimbjeje të pafund, të asaj sakrifice e qëndrese të qindra e mijëra shqiptarëve që tronditën botën, kam nderin e veçantë t’ju ftoj të jemi së bashku në qytetin e Kukësit, më 16 Prill, në qytetin ku u hap së pari porta e madhe e asaj mikpritje vëllazërore dhe asaj dashurie të pakufishme", thuhet në ftesën e kryeministrit Rama.
"Unë ndihem thellësisht i lumtur që më 16 Prill, së bashku me Kryeministrin e Republikës së Kosovës, mikun tim Hashim Thaçi, do të jemi mes qindra ish-luftëtarëve të lirisë, të rinjve, burrave e grave nga trevat shqiptare. Në pritje të takimit me ju", thuhet në fund të ftesës së kryeministrit të Republikës së Shqipërisë, Edi Rama.
|