Reagim i LSDM-së për incidentin në LisiçeShkup, 15 prill 2014 (MIA) - LSDM-ja kumtoi se pasdite ka pasur tentim për incident në Lisiçe gjatë takimit të kandidatit të tyre për president Stevo Pendarovski me banorët e kësaj lagjeje në Shkup.
"LSDM-ja ashpër reagon në tentimin e sotëm për incident nga ana e aktivistit të VMRO-DPMNE-së gjatë takimit me qytetarët të kandidatit për president Stevo Pendarovski në lagjen Lisiçe të Shkupit. Pas provokimeve verbale, janë shmangur pasoja më serioze", kumtoi partia.
LSDM-ja informon se rasti pasdite u regjistrua nga policia dhe nga MPB-ja kërkon që ta ndriçojë, ndërsa nga institucionet të sigurojnë kushte për zhvillimin e papenguar të aktiviteteve parazgjedhore të të gjithë subjekteve në procesin zgjedhor.
|