Mbetje të borës në qafat malore

Shkup, 17 prill 2014 (MIA) - Komunikacioni në të gjitha rrugët shtetërore po zhvillohet pa ndalesa dhe kufizime, nëpër rrugë të lagështa. Në pjesët më të larta dhe në viset malore ka mbetje të borës nëpër rrugë, por të gjitha ndalesat për qarkullim të automjeteve të rënda janë pezulluar dhe qarkullimi zhvillohet normalisht.

LAMM rekomandon kujdes në drejtimin e automjetit, shpejtësi të adaptuar gjatë qarkullimit dhe respektim të sinjalizimit të vendosur rrugor.

Kujdes të veçantë duhet pasur në akset të cilat kalojnë përmes grykave malore, veçanërisht në akset rrugore Katllanovë-Veles, Mavrovë-Dibër-Strugë, Demir Kapi-Udovë, Koçan-Dellçevë dhe Berovë - Vinicë, ku mund të paraqiten shembje të vogla të dheut.