Gruevski: Rritja e qarkullimit në industri tregon se ka lëvizje serioze në ekonomi

Shkup, 23 korrik 2014 (MIA) - Rritja  e qarkullimit në industri prej 9,5 për qind në maj të këtij viti krahasuar me muajin e njëjtë vitin e kaluar, si dhe rritja  prej 9,9 për qind në periudhën janar-maj krahasuar me periudhën e njëjtë nga viti i kaluar, tregon se ka lëvizje serioze në ekonomi.

Këtë e theksoi kryeministri Nikolla Gruevski pas përfundimit të vizitës në aktivitetet ndërtimore në autostradën Miladinovci-Shtip në vendbanimin Konjare e Mesme.

"Rritje më të madhe prej 36 për qind ka te të mirat kapitale, por shënon rritje edhe në pjesët tjera. Ky është edhe një trend i volitshëm makroekonik që tregon se vendi në këtë periudhë ka rezultate të shkëlqyera, që do të thotë se kemi lëvizje serioze në ekonomi", deklaroi Gruevski.

Kjo është e shkëlqyer, sepse, siç tha, deri në vitin e kaluar në Maqedoni seriozisht janë ndjerë efektet nga kriza debitore evropiane.

Ai theksoi se edhe në periudhën e ardhshme do të vazhdojnë politikat e stimulimit dhe ndihmës së kompanive, sepse, theksoi, janë ata të cilët hapin vende të reja pune.