Ndihmë solidare nga sindikata policore për familjet e pësuara nga kolegët nga Serbia, BeH-ja dhe Kroacia

Shkup, 23 korrik 2014 (MIA) - Të punësuarit në MPB të organizuara nga Sindikata policore e Maqedonisë me pagesën e rrogës së qershorit kanë ndarë mbi 400.000 denarë të dedikuara si ndihmë solidare për familjet e kolegëve të pësuar në stihinë ujore, e cila në fillim të qershorit të këtij viti e goditi Serbinë, Bosnjë e Hercegovinën dhe Kroacinë.

Ndihma humanitare do të dërgohet me ndërmjetësim të Sindikatave policore nga këto shtete, ndërsa me pagesë të rrogës së korrikut do të veçohen mjete shtesë nga të punësuarit në MPB, të cilët në qershor shfrytëzuan pushim vjetor.

"Me kërkesë te kolegëve nga rajonet e pësuara, duke pasur parasysh që ekipe të njësitit ajror të MPB-së nga dita e parë e stihisë ndihmuan në këto rajone, këto mjete shtesë do t'u ndahen familjeve të pilotëve të vdekur tragjikisht në fatkeqësinë e helikopterit afër Strumicës", kumtoi sot Sindikata policore e Maqedonisë.