Shkup, 25 korrik 2014 (MIA) - Në pushime falas sot do të shkojnë 250 fëmijë nga kategoritë e rrezikuara sociale të cilin e siguron Qeveria përmes një projekti të Ministrisë së Punës dhe Politikës Sociale.
Projekti, siç tha dje kryeministri Nikola Gruevski, zbatohet vazhdimisht prej verës së vitit 2012, dhe është duke vazhduar edhe këtë vit. - "Fëmijëve që i përkasin familjeve të rrezikuara sociale dhe fëmijëve pa përkujdesje prindërore t'u sigurojmë pushime falas. Këtë vit shkuan 680 fëmijë dhe kemi edhe pesë ture me 1,070 persona", theksoi Gruevski.
Me këtë projekt sigurohet pushim i tërësishëm falas veror ose dimëror për fëmijët nga familjet e rrezikuara me çka tregohet përkujdesi për këtë kategori të qytetarëve.