Mundësi për plasman të prodhimeve bujqësore në Rusi http://webdep/ifs/files/ifs/webui/jsps/image1.jsp?slikaid=116070396Shkup, 1 shtator 2014 (MIA) - Oda ekonomike e Maqedonisë dhe Oda ekonomike e Maqedonisë dhe Rusisë sot do të informojnë për gjendjet dhe mundësitë për plasman të prodhimeve ushqimore bujqësore në Federatën Ruse.
Sipas ekspertëve, Maqedonia nuk ka shumë dobi nga embargoja që e solli Rusia ndaj SHBA-së dhe BE-së sepse tregu rus është i madh, ndërsa prodhimtaria jonë nuk është mjaft e madhe. Në raport të kualitetit nuk do të kemi problem edhe nga ky aspekt plasmani është i sigurtë.
Maqedonia ende nuk ka marrëveshje për tregti të lirë me Rusinë, por disa vite negocion për eksportin pa doganë të prodhimeve të caktuara. Për momentin paguajmë 16 për qind të doganës për eksport me Rusinë, që dukshëm ndikon ndaj çmimit të prodhimeve tona në tregun e atjeshëm.
Bujqit në hapjen e hapësirës së madhe të tregut rus shohin mundësi të zgjidhen nga tepricat e tregut. Kompanitë eksportuese sërish, të cilat merren me prodhimin e ushqimit veçmë mendojnë të hapin fabrika ose punëtori në shtetet fqinje të cilat kanë marrëveshje të lira tregtare me Rusinë që të munden më lehtë t'i plasojnë prodhimet e tyre në tregun rus. Madje e shqyrtojnë opsionin për shoqërim me partnerët rus, përmes tyre, pa doganë ta dërgojnë prodhimin në Rusi.
Eksporti i sivjetëm i prodhimeve bujqësore të Maqedonisë në tregun rus është 200 deri në 300 mijë ton.
Këmbimi tregtar mes Maqedonisë dhe Rusisë në gjysmën e parë të vitit arrin 74 milionë dollarë. Në eksport bien 13 milion dollarë, ndërsa në import gati 61 milionë dollarë. Në periudhën e njëjtë të vitit të kaluar këmbimi ka qenë 140 milionë dollarë. Gjatë gjithë vitit 2013 eksporti ka arritur 31,5 milionë euro, derisa importi 163,5 milionë dollarë.
Në strukturën e eksportit më së shumti janë përfaqësuar prodhimet ushqimore (duke i përfshirë pemët dhe perimet), ilaçet për shitje me pakicë dhe ferosiliciumi. Nga pemët dhe perimet më së shumti eksportohen kajsi, qershia, vishnjë, pjeshka dhe kumbulla, lakër dhe perime të ngjashme. Në saldon importuese pjesëmarrje më të madhe kanë derivatet e naftës dhe gazi natyror.
Rusia solli ndalesë njëvjeçare për eksport të ushqimit nga BE-ja dhe SHBA-ja si përgjigje e sanksioneve evropiane për shkak të ngjarjeve në Ukrainë.
|