Ministri Neziri në shënimin e Ditës së minatorëve në Xhepçishtë të TetovësTetovë, 1 shtator 2014 (MIA) - Ministri i Ekonomisë Bekim Neziri së bashku me kryetarin e Asociacionit të Maqedonisë për minatorë Nikollajço Nikollov sot ka marrë pjesë në solemnitet me rastin e 28 Gushtit - Ditës së minatorëve të Maqedonisë që u mbajt në qarkun e kompanisë "Renova" në fshatin Xhepçishtë të Tetovës.
"Renova" është zgjedhur për kremtimin e sivjetëm sepse krahas tre minierave për eksploatimin e lëndëve të para minerale në Maqedoni e ka zgjeruar prodhimtarinë në vendet fqinje, ndërsa prodhimet gjenden edhe në tregjet e vendeve të Lindjes së Afërt.
Sipas ministrit Neziri, Maqedonia ka pasuri të pavlerësueshëm nga lëndët e para minerale, ndërsa vlerë të madhe kanë edhe minatorët që punojnë në minierat si resurs njerëzor i pavlerësuar për shkak të së cilës detyrë e shtetit është t'ju sigurojë kushte më të mira për punë.
"Ky kompleks ekonomik i rëndësishëm së bashku me ndërrmarjet shoqëruese punëson mbi 12 mijë që e bën këtë pjesë të industrisë më perspektive për punë. Në vend ka edhe mbi 150 minatorë që në mënyrë aktive punojnë me ç'rast një pjesë e tyre janë për eksploatimin e metaleve të çmuara, zinkut, bakrit, arit dhe argjendit. Interes gjithmonë e më të madh ka për eksplomatimin e gurëve zbukurues si mermeri, graniti, traventiti dhe oniksi, ndërsa të vlefshme për përmendje janë ujërat termal dhe termomineral të cilat janë aktive për investim", deklaroi Neziri.
Duke potencuar se profesioni i minatorëve është me të vërtetë i rëndë, Nikollov potencon se minatorët me të vërtetë meritojnë kushte më të mira dhe rroga, me qëllim që më suksesshëm ta kryejnë punën e tyre.
Në suaza të shënimit të Ditës së minatorëve nga ana e Ministrisë së Ekonomisë u ishin ndarë mirënjohjet tradicionale për minatorët më të suksesshëm dhe ndërrmarje edhe si një vërtetim të profesionalitetit dhe përgjegjësisë së tyre.
|