Automjeti i një shtetasi të Maqedonisë dëmtohet në Greqi

Shkup, 16 shtator 2014 (MIA) - Rast i ri i një automjeti të dëmtuar të një shtetasi të Maqedonisë është paraqitur dje në vendkalimin kufitar Dojran i Vjetër me ç'rast numri i përgjithshëm i automjeteve të dëmtuara në Greqi sivjet është shtatë.

Ministria e Punëve të Brendshme sot informoi se është dëmtuar një automjet i markës "citroen berlingo 6" i cili është në pronësi të V.G. nga Strumica.

Dëmtimi ka ndodhur në afërsi të liqenit Butkovo, ndërsa është thyer dritarja e derës së përparme të majtë të automjetit.

Përveç në vendkalimin kufitar Dojrani Vjetër, rasti është paraqitur edhe në policinë greke, por pronari i automjetit nuk ka marrë proserverbal.

Krahas dëmtimeve të automjeteve, sivjet në Greqi janë regjistruar edhe 13 vjedhje të targave të automjeteve të shtetasve të Maqedonisë.