Samaras dhe Merkel do të bisedojnë edhe për Maqedoninë

Athinë, 19 shtator 2014 (MIA) - Kryeministri grek Andonis Samaras javën e ardhshme në Berlin do të takohet me kancelaren gjermane Angela Merkel.

Me paralajmërimin e takimit, mediat greke filluan të spekulojnë edhe për temat e mundshme të bisedës mes kryeministrave të Greqisë dhe Gjermanisë, lajmëroi korrenspondenti i MIA-s nga Athina.

Gazeta "Elefterotipia" shkruan se krahas asaj që është paralajmëruar se në drekën e punës do të bisedohet për situatën ekonomike në Greqi, në tryezë do të jenë edhe çështjet e politikës  evropiane dhe të jashtme.

"E dyta (politika e jashtme), duke pasur parasysh presionin të cilin Berlini kohëve të fundit e bën për integrim të Shkupit në NATO dhe në BE paraprakisht pa u zgjidhur çështja e emrit, ngrit pyetje. Athina, gjithsesi, nuk pranon se në takim do të ketë temë të tillë, ndërsa me siguri do të diskutohet edhe për krizën në Ukrainë, shkruan "Elefterotipia".

Takimi i Samarasit me Merkelin vlerësohet si një nga mbledhjet më të rëndësishme gjatë mandatit të kryeministrit grek, dhe është me qëllim që të gjendet qëndrim i përbashkët me kancelaren gjermane rreth çështjes për programin grek  për reforma dhe lehtësime plotësuese të borxhit të Athinës.

Në Berlin takimi është paralajmëruar si "rutinor".