Jolevski në tryezë të rrumbullakët në Shtëpinë e ARM-së

Shkup, 18 nëntor 2014 (MIA) - Ministri i Mbrojtjes i Republikës së Maqedonisë, Zoran Jolevski sot do të ketë fjalim në tryezën e rrumbullakët shkencoro-profesionale me temë "Sfidat euroatlantike të Republikës së Maqedonisë: problemet, realiteti politik, zgjidhjet e ardhshme dhe mundësitë pas samitit të NATO-s në Britani të Madhe 2014".

Qëllimi i këtij debati, në organizim të Fakultetit për siguri nga Shkupi, njoftoi MM-ja, është që në një vend t'i mbledhë përfaqësuesit e sektorit qeveritar dhe civil, hulumtuesit dhe përfaqësuesit e shoqërisë akademike dhe tink-tenk bashkësinë, që të ndajnë ide dhe mendime lidhur me përcaktimet strategjike të Republikës së Maqedonisë - anëtarësimi në NATO dhe Bashkimin Evropian.