Përfaqësues nga agjencia turke "TIKA" në takim me Nevzat BejtënGostivar, 21 janar 2015 (MIA) - Një delegacion nga Agjencia shtetërore për bashkëpunim dhe koordinim nga Republika e Turqisë "TIKA" i udhëhequr nga Teoman Tirijaki sot në Gostivar realizoi takim me ministrin pa portofol Furkan Çako dhe me kryetarin e komunës së Gostivarit Nevzat Bejta.
Kryetari i komunës Bejta në takim ka shprehur falënderim për ndihmën e deritashme që "TIKA", në kuadër të disa projekteve ia ka ofruar komunës së Gostivarit.
"Në kuadër të bashkëpunimit të deritashëm të suksesshëm me "TIKA", sot bashkërisht i shqyrtuam disa nga nevojat e qytetarëve. Konkretisht u bisedua për ndihmën dhe ndërtimin e kopshtit të ri për fëmijë dhe kanalizimin në fshatin Banjicë e Epërme", deklaroi pas takimit kryetari i komunës ës Gostivar Nevzat Bejta.
Koordinatori i "TIKA" për Maqedoni Tirijaki deklaroi se edhe në të ardhmen do të bashkëpunojnë me komunën e Gostivarit.
"Takimi ishte i dobishëm dhe së shpejti bashkërisht do të dilet në terren që të shqyrtohen nevojat dhe mundësit për investime në ndonjë nga projektet e propozuara. Unë shpresoj se së shpejti do të kemi rezultate konkrete dhe se do të vazhdojmë me bashkëpunim", tha Tirijaki.
|