Shkup, 21 janar 2015 (MIA) - Spitali Klinik i Tetovës njoftoi zyrtarisht gjendjen stabile të kreut të BDI-së, Ali Ahmeti.
Mjeku neurokirurg Destan Haliti tha se Ali Ahmeti është i kontaktueshëm dhe se nuk ka dëmtime në kokë.
"Gjendja e Ali Ahmetit është stabile, tani gjendet në observacion, ka lëndime të lehta trupore, por në kokë nuk është i lënduar, është komunikativ, në vetëdije dhe s’ka asnjë lloj rreziku për jetën", tha mjeku.
Ai tha se shoferi i makinës ka marrë më shumë dëmtime në kokë, porse ndodhet edhe ai jashtë rrezikut për jetën.
"Të dy pacientët do të vazhdojnë të kurohen në repartin e Neurokirurgjisë dhe për gjendjen e mëtejshme do t’ju njoftojmë", tha mjeku.