Dy shpërthime të fuqishme në qendër të Tiranës Tiranë, 10 shkurt 2015 (MIA) - Dy shpërthime tritoli kanë tronditur Tiranën në orët e para të mëngjesit të sotëm, ndërsa ka dështuar një tentativë e tretë për të shpërthyer një sasi tjetër tritoli në rrugën "Muhamet Gjollesha".
Objektiv të shpërthimeve me eksploziv kanë qenë: Farmacia në pronësi të Bashkim Tahirit, i ati i Ministrit të Brendshëm të Shqipërisë, Saimir Tahiri dhe banesa e shefit të Krimeve të Rënda të Korçës, Alfred Nomani.
Ndërkohë ka dështuar tentativa e tretë për shpërthim në një stacion autobusi.
Prokuroria thotë se tre ngjarjet po hetohen së bashku për akuzën "Vepra me qëllime terroriste".
Kryeministri i Shqipërisë Rama përmes një postimi në Tuitter i quajti: Akte terroriste.
Gjithashtu është zhvilluar një takim urgjent në Ministrinë e Brendshme mes ministrit Saimir Tahiri kryerprokurorit Adriatik Llalla dhe shefit të Shërbimit Informativ Shtetëror, Visho Ajazi Lika.
|