Ivanovski në Kongresin botëror për teknologji mobileShkup, 2 mars 2015 (MIA) - Ministri i Shoqërisë Infomatike dhe Administratës, Ivo Ivanovski prej sot deri më 5 mars do të marrë pjesë në Kongresin botëror për teknologji mobile, e cila do të mbahet në Barcelonë.
Ivanovski do të ketë fjalim në panel diskutimin "Rezultate nga konsumi si produkt i konkurrencës në sektorin mobil".
Tema kryesore e tubimit është stimulimi i inovacioneve, me qëllim tël ndërlidhjes së tyre me shoqërinë, me ç'rast theks do të vendoset në sektorin mobil dhe kushtet politike dhe rregullatore, të cilat mundësojnë zhvillim të teknologjive dhe shërbimeve mobile.
Ministri Ivanovski do të ketë mbledhje me përfaqësuesit qeveritarë, si dhe me përfaqësues të kompanive internacionale nga sektori IKT.
|