Një delegacion kuvendor në Bruksel me rastin e ditës ndërkombëtare të gruasShkup, 3 mars 2015 (MIA) - Në vigjilje të Ditës ndërkombëtare të gruas - 8 marsi, Parlamenti Evropian edhe këtë vit e vazhdon traditën e organizimit të ngjarjeve speciale për shënimin e tij. Në këto ngjarje nesër dhe pasnesër në Bruksel do të marrin pjesë deputetet Liljana Popovska, Liljana Kuzmanovska, Shpresa Kadriu dhe Sollza Gërçeva.
Komisioni në Parlamentin Evropian për të drejtat e grave dhe barazisë së gjinive organizon dy ngjarje - Mbledhjen interparlamentare me temën: "Përforcimi i pozitës së grave dhe femrave përmes arsimimit" dhe Konferencë interparlamentare kushtuar "Pjesëmarrjes politike të grave në vendet e Ballkanit Perëndimor dhe Turqisë", që do të mbahen më 4 dhe 5 mars të vitit 2015, në Bruksel, Mbretëria e Belgjikës.
Në mbledhjen interparlamentare të Komisionit Evropian është paralajmëruar pjesëmarrja e eurokomisarit të drejtësisë, barazisë gjinore dhe konsumatore, Vera Jurova.
Këto ngjarje kanë për qëllim të nxisin debat më të gjërë mes europarlamentarëve dhe parlamentarëve nga parlamentet kombëtare të vendeve të Ballkanit perëndimor dhe Turqisë për këto çështje, për të cilat edhe pse në vitet e fundit është arritur përparim i madh, megjithatë edhe më tutje qëndron rurgë e gjatë për përparim të mëtutjeshëm të të drejtave të grave dhe barazisë gjinore.
Ashtu siç kumtoi pres shërbimi kuvendor, pritet shkallë e lartë e pjesëmarrjes së parlamentarëve nga parlamentet kombëtare të ftuara, si dhe fjalime të europarlamentarëve të renomuar, ekspertë dhe pjesëmarrës tjerë të afirmuar të cilët kanë kontribut të veçantë në këtë fushë.
|