Bashkëpunimi mes Maqedonisë dhe Shqipërisë po intensifikohet në mënyrë të vazhdueshme

Tiranë, 17 prill 2015 (MIA) - Nga ndërtimi i largpërçuesit interkonektues 400 kilovoltësh Manastir - Elbasan, që është në listën e projekteve prioritare në kuadër të Bashkësisë energjetike në pjesën e infrastrukturës elektro-energjetike, përfitime do të ketë edhe sistemi elektropërçues i Shqipërisë dhe i Maqedonisë duke pasur parasysh se është lidhja e parë interkonektuese mes dy sistemeve.

Kështu porositën ministri i Ekonomisë Bekim Neziri dhe kryetari i Kuvendit të Republikës së Shqipërisë Ilir Meta në takimin e sotëm në Tiranë.

"Me ndërtimin e këtij largpërçuesi do të kompletohet Korridori 8 dhe do të përmirësohen kapacitetet e tensionit në pjesën jugperëndimore të Republikës së Maqedonisë, do të evitohet mbingarkimi i largpërçuesve të caktuar, por edhe do të rriten rrjedhat e energjisë elektrike që kontribuon në zhvillimin e tregut rajonal të energjisë elektrike", theksoi Neziri.

Në këtë takim u bisedua edhe për mundësitë e vendosjes së interkoneksioneve në sferën e gazit natyror që gjithashtu do të kontribuojnë në sigurinë e furnizimit të konsumatorëve me energensa, ndërsa në sferën e infrastrukturës rrugore theks i veçantë iu kushtua projekteve të Korridorit 8 midis të cilave autostrada e re Kërçovë – Ohër me investim prej 374 milionë euro, e cila filloi të ndërtohet në gjysmën e parë të vitit 2014 dhe parashihet të përfundon për 45 muaj.

Neziri dhe Meta e theksuan rëndësinë e seksionit lindor – perëndimor si një prioritet  i përbashkët dhe i rëndësishëm për të gjitha vendet e rajonit, sepse ndërlidh lëvizjen transportuese nga Deti Adriatik deri në Detin Jon në Evropë, me Detin e Zi dhe Azinë.

Në sferën e infrastrukturës hekurudhore u bisedua edhe për planin e ndërtimit të hekurrudhës komplet të re në Korridorin 8 deri në Shqipëri (Kërçovë-Lin) me gjatësi përafërsisht rreth 63 kilometrash, për të cilin është paraparë buxhet prej 8 milionë eurosh dhe është në fazë të përpunimit të projektit themelor nga ana firmës konsultuese nga Spanja “TYPSA”, me të cilën është nënshkruar marrëveshja kah fundi i viti të kaluar. Në pajtim me marrëveshjen përgatitja e projektit është me kohëzgjatje prej 24 muajsh dhe planifikohet të përfundon në gjysmën e dytë të viti 2016.

Sipas ministrit të ekonomisë Bekim Neziri dhe kryetarit të Kuvendit të Republikës së Shqipërisë Ilir Meta, realizimi i këtyre projekteve do të kontribuon për një bashkëpunim edhe më intensiv midis dy vendeve, veçanërisht në sferën e ekonomisë, për marrëdhënie më të thellësuara tregtare, por edhe do të jetë nxitës edhe për një zhvillim të përshpejtuar të rajonit dhe integrimin e tij më të shpejtë në familjen evropaine.

Në këtë takim të dy palët shprehën kënaqësinë nga bashkëpunimi i deritashëm midis dy vendeve, duke filluar nga këmbimi tregtar me vlerë prej mbi 122 milionë dollarëve amerikanë për vitin 2014, i cili është i rregulluar në pajtim me Marrëveshjen CEFTA e deri te projektet të cilat kontribojnë për ndërlidhjen më të madhe të Republikës së Maqedonisë dhe të Republikës së Shqipërisë.