Seancë e Komisionit për punë dhe politikë socialeShkup, 27 prill 2015 (MIA) - Komisioni kuvendor për Punë dhe Politikë Sociale sot i miratoi Planin financiar të Agjencisë për supervizionin e sigurimit pensional kapital financiar (MAPAS) për vitin 2015 dhe Propozim vendimin për dhënien e pëlqimit për Vendimin për lartësinë e kompensimit mujor për vitin 2015 që MAPAS e paguan nga shoqëritë e pensioniste.
MAPAS për këtë vit ka planifikuar të ardhura në lartësi prej 43 milionë 993 mijë denarë, ndërsa shpenzime të planifikuara në lartësi prej 43 milionë e 166 mijë denarë. Të ardhurat në pjesë të madhe apo 40.543 denarë janë nga kompensimet mujore për kontribute të cilat i paguajnë shoqëritë pensioniste.
Anëtarët e Komisionit të MAPAS-it kërkuan sivjet t'i zvogëlojnë shpenzimet joproduktive, si shpenzimet për karburant, mobilie, taksi, fatura telefoni...
Kryetari i Komisionit, Bllagoja Despotovski tha se duhet investuar në kursimin e energjisë, në automjete të cilat shpenzojnë më pak, si dhe në zhvillimin e njohurive dhe aftësive.
Komisioni në seancë e miratoi edhe vendimin për dhënien e pëlqimit për Vendimin për kompensimin mujor për vitin 2015 që MAPAS e paguan nga shoqëritë pensioniste.
Kompensimi mbetet në 0,8 për qind e përcaktuara me ligj të kontributeve të paguara në të gjitha fondet pensionale me të cilat menaxhojnë shoqëritë pensioniste.
|