Pasdite ndërprerje e komunikacionit në aksin Kërçovë - fshati IzvorShkup, 30 prill 2015 (MIA) - Në aksin rrugor M4 Kërçovë - f. Izvor pasdite prej orës 15:00 deri në orën 16:00 do të zbatohen punime ndërtimore me minim me ç'rast komunikacioni do të ndërpritet prej 10 deri në 15 minuta, kumtoi Lidhja Automote e Maqedonisë.
Për shkak të rrëshqitjes së dheut në aksin rrugor A3 Prilep - Resnjë, në qarkoren në Manastir, trafiku ende është në ndërprerje. Automjetet riorientohen nëpër qytetin e Manastirit.
LAAM njofton se komunikacioni po zhvillohet me vështirësi në aksin Prilep - Vitolisht për shkak të rrëshqitjes dhe Prilep - Makedonski Brod për shkak të shtrirjes së asfaltit.
Komunikacioni në të gjitha rrugët shtetërore po zhvillohet nëpër rrugë të lagështa. LAMM rekomandon kujdes në drejtimin e automjetit, shpejtësi të adaptuar gjatë qarkullimit dhe respektim të sinjalizimit të vendosur rrugor. Kujdes të veçantë duhet pasur në akset të cilat kalojnë përmes grykave malore, veçanërisht në akset rrugore Katllanovë - Veles, Mavrovë - Dibër - Strugë, Demir Kapi - Udovë, Koçan-Dellçevë, Vinicë-Berovë ku mund të paraqiten shembje të vogla të dheut.
Intensiteti i komunikacionit në drejtimet rrugore jashtë mjediseve urbane është mesatar. Në vendkalimet kufitare nuk ka pritje të gjata për hyrje dhe dalje nga vendi.
|