Shkup, 7 mars 2018 (MIA) - Pothuajse pjesën më të madhe të ditës e kalojmë ulur, qoftë duke punuar në kompjuter, duke parë Tv, ose duke pirë gjatë me miq, pra është e thjeshtë që pjesën më të madhe të ditës ta kalojmë ulur, njofton koha.net.
Kujdes! Të rrish ulur me orë të gjata, siç thotë studimi, është e rrezikshme për shëndetin dhe mund të çojë në disa patologji të sëmundjeve të ndryshme, ja cilat janë ato:
Deformimi i shtyllës kurizore
Shtylla kurrizore ka fomin e shkronjës S, për të përballuar të gjitha presionet, kur ne bëjmë lëvizje të ndryshme. Kur ne qëndrojmë ulur ajo merr formën e shkronjës C. Kështu kjo e detyron shtyllën tonë kurrizore të qëndrojë në një pozicion që nuk është ai natyral. Tensioni transferohet në legen dhe kolonën vertebrale, duke shkaktuar një rritje të presionit mbi disqet ndërvertebrore. Tensioni i vazhdueshëm shkakton mbylljen e rruazave të qafës dhe mund të çojë në uljen e dërgimit të gjakut në tru.
Sistemi Kardio-Vaskular
Një nga pasojat më serioze dhe të rënda të stilit të jetës sedenatre është rreziku i sëmundjes kardiovaskulare. Nëse kalojmë ditën të ulur, dobësojnë muskujt dhe qarkullimi i gjakut bëhet më i vështirë. Mungesa e aktivitetit fizik është një nga arsyet kryesore për arteriosklerozën e hershme (një akumulim i pllakave të kolesterolit në enët e gjakut që çojnë në zemër). Një studim i thelluar i mbi 17.000 njerëzve në 13 vjet, ka treguar se njerëzit me stil jete sedentare kanë një rrezik 54% më të madh të vdekjes nga sulmi në zemër, sesa ata që janë më aktivë.
Vena me variçe
Njerëzit që kalojnë shumicën e ditës të ulur vuajnë nga qarkullimi i dobët i gjakut në gjymtyrët e poshtme, që mund të shkaktojë venat me variçe. Përveç predispozicionit trashëgues, venat me variçe mund të favorizohen nga periudha të gjata të kaluara në këmbë.
Obeziteti
Mbipesha është një nga pasojat më të rënda të stilit të jetës sedentare. Kur qëndrojmë ulur, metabolizmi ngadalëzohet dhe trupi djeg më pak kalori, duke magazinuar tepricat si dhjam. Sapo ulemi trupi ynë e ul aftësinë për të përpunuar yndyrnat në 90 %, niveli i insulinës bie dhe presioni i gjakut bie. Në një punë ku qëndrohet në këmbë, trupi djeg më shumë se 35 % kalori, se sa do të digjte nëse do të qëndronim të ulur.
Muskujt dhe kockat
Të qëndruar ulur vazhdimisht kombinuar kjo edhe me mungesën e aktivitetit fizik mund të bëjë muskujt e trupit të dobët dhe të butë. Më të prekurit janë muskujt e barkut dhe të vitheve. Një tjetër pasojë e mundshme është osteoporoza transmeton Dritare.net. Kockat tona, nuk e kanë shumë vështirësi të mbajnë trupin në një pozitë të ulur, por ato mund të humbasin forcën gjatë kohës, duke u bërë më të brishta.
Sistemi i tretjes
Një ditë e vetme e kaluar ulur çon në një konsum të reduktuar të insulinës nga qelizat. Si rezultat, ju rrezikoni diabetin dhe sëmundjet e tjera metabolike, përveç kapsllëkut kronik dhe në raste ekstreme, hemorroidet.
Plakja
Telomeret ndodhen në skajet e kromozomeve dhe i mbrojnë ato nga dëmtimi dhe bëhen më të shkurtër dhe më të shkurtër gjatë procesit të plakjes. Është treguar se një mënyrë jetese joaktive ndihmon telomerët për të shkurtuar shumë më shpejt.
Sëmundje mendore dhe ankth
Një mënyrë jetese pak aktive ose sedentare mund të ketë një ndikim shumë negativ në shëndetin mendor. Mungesa e aktivitetit fizik çon në zhvillimin e depresionit dhe ankthit për shkak të mungesës së endorfineve. Lëvizja e rregullt, mund të përmirësojë gjendjen shpirtërore dhe të relaksojë trupin. Gjithashtu shërben për të rritur vetëvlerësimin. Lëvizja gjithashtu ndikon në prodhimin e serotoninës, duke ndihmuar në mbajtjen e një balance, për të mos pasur probleme të memories dhe mungesës së oreksit.
Pagjumësia
Mungesa e lëvizjes mund të ndikojë shumë në cilësinë e gjumit. Trupi interpreton paqëndrueshmërinë e vazhdueshme si pushim edhe kur aktiviteti mendor është në maksimum. Prandaj, kur dikush është “pushim” për gjithë ditën, trupi vendos që nuk është më e nevojshme të flejë. Lëvizja dhe ushtrimet fizike ndihmojnë në luftën kundër pagjumësisë dhe përmirëson cilësinë e gjumit.