Berlin, 3 prill 2018 (MIA) - Autoritetet gjermane e shqyrtojnë mundësinë që të vendosen uniformat për pjesëtaret e ushtrisë gjermane që do të mbeten shtatzëna.
Ministria e Mbrojtjes së Gjermanisë, kumtoi se rreth 800 vullnetare tashmë i kanë provuar uniformat, si dhe të brendshmet, kështu që tani analizohen reagimet nga anketa.
"Qëllimi ynë përfundimtar është që të blejmë uniformat të cilat më së miri do të përgjigjen në nevojat e shfrytëzuesve tanë", qëndron në kumtesë.
Gratë shtatzëna zakonisht janë rreth dy për qind nga 20.000 gra ushtare në Gjermani.