Shkup, 17 nëntor 2022 (MIA) - Ka ardhur stina e mollëve japoneze, të cilat në botë njihen edhe me emrin “mollë kaki”. Ky frut vjen nga Azia, ndaj është përdorur si frut medicinal në Kinë për mbi 2000 vjet.
Në këto anë, kjo pemë frutore portokalli ose kafe e kuqe mund të mos jetë aq e njohur, por frutat nuk janë vetëm një ëmbëlsirë e shijshme, por kanë edhe shumë përfitime shëndetësore. Ndër to janë efektiviteti për shëndetin e syve, parandalimi i llojeve të ndryshme të kancerit, përmirësimi i tretjes, forcimi i sistemit imunitar, reduktimi i kolesterolit, forcimi i kockave dhe reduktimi i presionit të gjakut.
Mollët japoneze mund të ndihmojnë trupin të shërohet më shpejt, të humbasë peshë, të zvogëlojë inflamacionin dhe të përmirësojë rrjedhën e gjakut.
Është i pasur me vitamina të shumta, veçanërisht vitaminë A, beta-karoten, luteinë, likopen dhe kriptoksantinë. Këto vitamina janë efektive kundër rrudhave, njollave të moshës, sëmundjes së Alzheimerit, lodhjes, humbjes së shikimit, dobësisë së muskujve dhe një sërë kushtesh të tjera të plakjes.
Mollët japoneze mund të hahen të freskëta, të thara, të gjalla ose të gatuara, gjë që ndryshon shijen, por e rëndësishme është që ato të jenë të ëmbla dhe të buta. Nëse është pjekur plotësisht, me lugë hiqet edhe pjesa e butë e frutave. Një pemë molle "kaki" prodhon deri në 200 kilogramë fruta.